एउटै वस्तुको प्रयोग फरक तरिकाले गरिन सक्छ

गर्मीमा च्यापिने सिरक नै जाडोमा खप्टिन सक्छ

नसोच्नु ऊ त्यहाँ पुगेपछि अवश्य बदलाव आउँछ

त्यहाँको हावापानीले उसलाई नै बद्लिन सक्छ

नहुँदा साथमा ऊ दुनिया लात देखाइदिन्छ

हुँदा साथ उसको सबको साथ देखाइदिन्छ

पैसा ठूलो होइन भनि जति नै गफ लाएपनि

म नै हुँ ठूलो भनि पैसा औकात देखाइदिन्छ

मनमा के के कुरा जाग्छ, उमेरैले होला

जो देख्यो उही राम्री लाग्छ, उमेरैले होला

एउटी मात्र सजाएर राख्न भन्छु दिललाई
उनीहरू सबैलाई राख्छ, उमेरैले होला ।

पिर नगर मेरी प्यारी, ढुक्क भएर बस

गर्दै गर बिहेको तयारी, ढुक्क भएर बस

भर लागेन मेरो भने घरमा सोध्दा हुन्छ

भन्नुहुन्छ तिम्लाई बुहारी, ढुक्क भएर बस।

यो ध्यान उनीतिरै भाग्छ, किन होला यस्तो ?

त्यो पनि हो सही झैँ लाग्छ, किन होला यस्तो ?

हिजो दिनभर सँगै बस्या उसको नाम याद छैन

उनको नामथर घर याद छ, किन होला यस्तो ?

साथीभाई सबले सुन्छन्, गाह्रो पर्ला फेरी

भित्ताको नि कान हुन्छन्, गाह्रो पर्ला फेरी

नपोस्ट्याऊ न तिम्रो मेरो तस्विर जताततै

तिम्रा बाऊले घरमै थुन्छन्, गाह्रो पर्ला फेरी